You have got mail

[الكفن الظفراوى]

سلامــــــــــــــــى

أحبتى منتسبى منتديات لأجل صلاله

فى هالموضوع البسيط
راح اضع ماورد فى أيميلــى
وراق لــى ان أشارككم بـــه

وأتمنى ان تشاركونا كذلك بما ورد فى ايميلكم
هنــا .. يعنى اذا ماعندكم مانع


شابااااااااااااااااااااااااااااااش


والختم سلام
:face6::face25::face6:

[الكفن الظفراوى]

بعض المواقف الرومانسية ترويها نساء خليجيااات

مره وصلني زوجي للمدرسه اللي أدرس فيها قلت له راح أشتاق لك ياحبي
قال : إنزلي إنزلي فكينا لا تروح عليك الحصه الأولى
آآآآآآه بغيت أصفعه بالمسطره الطويلة اللي معاي !
وين الإحساس
--------------------------------------------------------------------------------

وحده تقول : إشتريت لزوجي تلفون لأن اللي يستخدمة قديم غلفته وكتبت في كرت شعر وكلام حلو
وعطيتة الهدية فتح الهدية بشراسة ووجهه فيه علامات استغراب وتعجب وانا مبتسمة طلع التلفون ورمى الكرت وقال :

هذا لي ! قلت : أيوه حبيبي

قال: شاريتة بألفين وخمسمائة صدقيني ما يسوا !
{ قسم بالله ذبلت إبتسامتي} :
( وهو معصب يقول : أول مرة حد يهديني بهذا المبلغ لو عطيتني كاش أحسن !! )

قمة التحطيم

--------------------------------------------------------------------------------

وحدة رومانسية توها متزوجة يحليلها حطت شموع من عند الباب الين غرفة النوم
وجلست في غرفتها كاشخة تنتظر زوجها دخل يعاطس ودعس الشموع بريوله
وقام يصارخ ويتألم وكفخ زوجته وزعل عليها قالها { يالهبلا تبغين تحرقينا }
ودخل الغرفة وقفل الباب عليه ونام بروحه! صدمة بداية العرس !!

ماتنلام تطلب الطلاق
-------------------------------------------------------------------------------

وحده ملت من الروتين في حياتها جلست في الصالة هاديه وولعت شموع ونومت الأولاد وتعدلت عشان تهيئ الجو .
جاء الزوج وريحته تفاوح دخاخين من الشيشة استقبلته وقصت له من الكيكه
يوم بلع وخلص قالها الحين ليش مجلستنا بالظلام حشى كأننا في قبر. بلعتها وسكتت.
قام وقالها حد ياخذ كيكة هالكبر ليش الإسراف روحي قومي الأولاد ياكلون عشان ماتنكب

الله يغربل الرومانسية يوم انها وياك
المفروض انها تحط له سم فيران

--------------------------------------------------------------------------------

وحده من البنات توها متزوجه وحبت تسوي حركه لزوجها تعدلت وتجهزت من مجاميعه
وحطت الاضاءه هاديه وشغلت الدخان الصناعي وانتظرته لحد ماشرف
ودخل وشاف الدنيا شبه مظلمه والدخاخين حاجبه الرؤيه قام يركض للصاله وجلس يناديها
وهي ساكته ماترد عليه تتغلى عليه أونه على بالها حركه ماتدري مسكينه انها بتروح في خبر كان!
طار للمطبخ وجاب جيك ميء وكبه عليها يحسبها مغمى عليها من الدخان
خربت الحفله والتغلي

--------------------------------------------------------------------------------

وحدة تقول مره سويت لزوجي ليله رومانسيه
وقمنا نرقص هذيك الرقصه الي تحطين يدك ورى ظهر زوجك وهو يحط ايده ورى خصرك
وكنت منسجمه مع الجو تخيلوا وش قال!
قال دخيلك حكي ظهري فوق شوي لا لا تحت شوي وانا ميته من القهر
وضاعت الليلة كلها في الحك
صدق قووووووية






صراحة أرتحت للأزواج هنا :face6:
نيهااااااااااااااااااهااااااااااااااا

[كزابة]

ههههههههههههههههههههههههه
هكذا الرجال ولا بلاش
والله انهم دمهم خفيف ههههههههههههههه
والله يكون في عونهم

[الكفن الظفراوى]

لا مش معقول
كزابــــه هانم هنـــــا
يامرحبا مليوووووووووووووون
بكم كيلو القشاط
نيهاااااااااااهاااااااااااا

بس اتفق معاك كذا الرجال ولا بس

[اللواء الركن]

الكفن الظفراوى استاذى وحبيبى
الرجاجيل اللى ذكرتهم ع ما اعتقد كلهم هنود ولا فيهم خليجى
لان الرجل الخليجى كله فن وذوق ورومانسيه مع زوجته.....
خخخخخخخخخخخخخخخخخخخخخخخخخخخخخخ
ويعطيك العافيه

[الكفن الظفراوى]

اللواء الركـــن

الغالى بس الخليجين ما معصوميــن
تراهم من الخطأ
بس بأختصار انا مرتاح لهم
نيهاااااااااااهاااااااااااا

[صدى الاحزان]

تحطيمات بقوة هع هع هع
يسلمووووو الكفن على رسم الضحكات هنا
يعطيك العافية

صدى الاحزان

[الكفن الظفراوى]

العفووووووووووووووووووووووووووووووو

[صعب المزاج]

حركات مجربة
:face14::face14::face14:
هع هع هع !!!!!!

[صدى الاحزان]

وبانتظار الجديد من ايميلك


صدى الاحزان

[غلا الامارات]

هههههههههههههههه
يبالهم مويييه بارده فوج روسهم
شنو التخلف هذا؟؟

يعطيك العافيه خيوووووو

[الكفن الظفراوى]

شكرا على المقاطع الجميله