المساعد الشخصي الرقمي

مشاهدة النسخة كاملة : ~*¤ô§ô¤*~من يوميات روح~*¤ô§ô¤*~

روح
08-05-2005, 03:41 PM
في تاريخ 22_2_2005
كان ثالث ايام عيد الاضحى
الساعة 10صباحا



خرجت انا والعايلة وكنا رايحين بيت جدي بمنطقة قريبة لمجمع السيف ، وقبل لا نطلع من البيت امي طلبت مني اني انا اللي اوديهم بيت جدي لكني رفضت وكنت شارية لي بدلة لي لونها اسود لبستها وطلعت وما كان لي ذاك اليوم خلق اني اطلع....مع اني اكون مستانسة لمن اروح بيت جدي....المهم وصلنا هناك ورحت بيت خالي (ع) وعايدت عليهم وطلعت ورحت بعدين بيت خالتي وعقب بيت خالتي الثانية وعايدت عليهم وكل بيت ادخله ما اطول بالقعده عندهم واطلع....
المهموقلت بروح بيت خالي(ح) المرحوم اخر بيت علشان اطول بالقعده عندهم لانه خالي المرحوم احب شخص لي قعدت وسبحان الله اني كل مرة اكون في بيتهم اسأل عنه بس هذاك اليوم ما ادري شلون ما سألت عنه .....وحتى قدوع العيد كنت بمد يدي باخذ لي شي ورديت يدي وكان احد يمنعني المهم طلعت انا مع زوجة ولد خالي وقفنا مع ولد خالي عند باب البيت وهني تفاجئنا انشوف الكل يركض عند بيت خالي الثاني ويصرخون وخالي (ع) مغمى عليه......واحنا كان في بالنا ان عم امي صاير له شي لانه وقتها كان مرقد بالمستشفى .....وشوي وولدعمي واقف ويقول دخلوا النسوان داخل ولا تخلونهم يطلعووون...سألته شنو السالفه شنو اللي صاير .قال خالي(ح) صار له حادث وتوفى.....هني ما صدقت الخبر رحت بيت خالي وشفت بنت خالي تبكي وتقول انها تبي تروح المستشفى تشوف ابوها .انا قلت لها بروح معاك المهم رحنا المستشفى وكانت سياقتنا بسرعه ووصلنا المستشفى وقالوا انهم للحين ما جابوه من مكان الحادث
رجعنا البيت وعلى الطريق لقينا الشرطة والمرور مجتمعين ونزل زوج بنت خالتي يستفسر ولقى جسم خالي مدد على الشارع والدم بالارض......
ركب السيارة وكان يقول لبنت خالي بنت عمي هدي اللي صار صار ......وانا للحين مو مصدقه اللي صار .....وصلنا البيت وتاكد لنا الخبر.....ان خالي مات....تصدقون في اثناءءء تشيع جنازته التهليل كان له صدى والمشيعين كثير حتى كان من بين المشيعين رجال من كبار الضباط في وزارة الداخلية يقولون سبحان الله كان قدره بهذا اليوم مع ان بعضهم كان عارض عليه يوصله لبيتهم لان سيارته كانت بالكراج.....
وهو رفض يوصلونه وقال لهم انا بمشي لان المشي زين للصحة وامر رب العالمين انقضى في ان تجيه سيارة شاب كان يبي يرد على تلفونه ويفقد سيطرته على سيارته وتصدم خالي على الرصيف


الله يرحمه ويرحمنا برحمته رب العالمين
انا ذكرت لكم القصة علشان تاخذون حذركم لمن تكونون تسوقون وتلفونكم يرن لا تردون انتبهوا لسياقتكم
ترانا فقدنا غالي والسبب التلفون

تحياتي لكم
جروح صلاله
08-05-2005, 04:45 PM
سلامي
روح تبين الصراحه :(
انا من شفت عنوان ( يوميات روح ) قلت بموت ضحك على روعة هاليوميات بما فيها طرفه وخفة دم .
ولكن عندما تعمقت في القراءه :( بصراحه تغيرت نفسيتي وعمني الحزن على ماصار في ذلك اليوم من احداث حزينه :(
ولكن هذه هي الحياه موت وميلاد ذهاب واياب عناق ورحيل .
هنا لايسعني الاانا اتقدم اليك بعظيم مؤاساتي لكم ولو انه متاخر وصار على الواقعه حوالي (3) اشهر .
رحم الله خالك واسكنه جنان الخلد مع الرسل والانبياء والشهداء الابرار .
مع خالص حزني / جروح صــلاله :(
روح
08-05-2005, 04:47 PM
تسلم جروح على مرورك


وانا اوعدك ان يومياتي الجايه بيكون فيه ضحك وفرفشة

لك تحياتي
روح
08-05-2005, 04:55 PM
في يوم من ايام الشهر الفائت

كنت العب مع بنت اختي الصغيرة اسمها امينة كانت تلعب وتضحك
وكنت احاول اعلمها تنطق اسمائنا قالت ماما وضحكت
طيب قلت لها قولي بابا قالت ماما اوكي قولي خاله قالتها
قولي عصفور وكان يمنا قفص فيه عصافير حب
قالت تيتي
طيب امون بتروحين النينا؟
ها
بتروحين لروان؟ روان بنت ولد عمي الصغيرة

اي
انروح ؟
ها
انروح وانا معصبه؟
اي
اوكي
رحنا بيت عمي وروان كانت راقده
رجعنا البيت وقفت علشان تلعب بالرمل بره
وحاولت معاها علشان ندخل البيت
اخيرا قامت عن الرمل ودخلنا البيت
وراحت يم القفص تلعب مع العصافير
رحت لها اقول لها امون هذا شنو؟
قالت: تيتي ؟
وأشرت عليها وقلت لها انتين منو؟
قالت لي كلمتها المعتاده
ها
شنو اسمج
ماما
اسمج سبالوووو؟
البابا النينا
امون شنو تقولين للتيتي


ها

اني اميييييييييينه



اخيرا نطقت باسمها
ولها مواقف احلى واطرف راح اقولها مرة ثانية
روح
08-05-2005, 11:15 PM
اليوم كنت جالسة قبال الكمبيوتر
ومنشغلة بكتابة المواضيع في المنتديات

وفجأة ومن غير ما احس الا الضربة جايه على راسي من كرة
التفت الا من بنت اختي جالسة تلعب وتناديني علشان اللعب معاها
تصوروا تكونون جالسين وشحليلاتكم والسماعه باذنكم وتجيكم ضربة
والله العالم شقد تالم
لانها على الراس


ايامي مع بنت اختي جايتكم


والكثير والكثير من مغامراتنا


هههههههههههههههههههههههه
بيكهام
09-05-2005, 01:43 AM
اولا


عظم الله اجرج يا رووح

وان شاء الله تكون اخر الاخزان



ثانيا

يسلموووووو

وعسى دووم يومياااتج مرح وسعاده وما فيها حزن

إن شاء الله



تحيااتي لج

بيكهاام
روح
09-05-2005, 02:39 PM
تشكر بيكووووووووووووو على مرورك الكريم

واليوم انا تعبانه بس ما اقدر ما امر واقعد شوي بهالمنتدى فعلا تراه يجذب الواحد له
الا بسألكم انتوا مو مسويين سحر
اشوف نفسي ما اقدر استغني عن هالمنتدى
المهم قعدت الصبح على امل ان الاقي بنت اختي تلعب بما ان اليوم الاثنين وهي المفروض تكون موجودة بس الظاهر ماراح تجي اليوم
قعدت من الرقاد رتبت الغرفة وساغعدت الوالدة بالغدا وفتحت دفتري الخاص علشان اكتب خاطرة جديدة فكرت وفكرت
مالقيت شي اكتبه
سكرت الدفتر وفتحت النت وشي طبيعي ان اكون مشاهده صفحتي المفضلة تدرون اي صفحه





الصفحه اهي







اهي






اهي





منتديات قمر صلاله



هاي اليوم



الاثنين
9-5-2005
روح
13-05-2005, 12:15 PM
كنت بالصف الثاني ثانوي

وكانت من تدخل معلمة الانكلينزي اتعاير اني مريضة وارقد بالحصة وكل ما تدخل مدرسة الفيزياء اتخبى ورا الباب اهي تدخل وانا اطلع ترا والله كانت احلى ايام الدراسة بالنسبة لي ايام الثانوية نطلع من الص انا مع كم وحد من شلتنا نروح للكافتيريا ويالله نسجل بالحساب على الجالاكسي والبيبسي وما انسى اكلتي المفضلة الطعمية
خخخخخخخخ
خلوني اقول لكم سالفتي مع معلمة الانكلينزي.....المدرسة تحبني موت بتتسألون اشلون تحبني وانا كله راقدة بحصتها...كنت مشاغبة على طول احاول اشاغب وكانت دايما تقولي لا تشاغبين ترا بتنحسب من علاماتش وكنت ارد ىعليها من علاماتي علاماتي وانتي عارفه الابداع مع القلم ...وتدرين اني ما احب اغش...قالت لي هاي اللي مجننيني انك ما تهتمين بالكتب وعلاماتش روعه اهتم بدروسك اقول لها ان شاء الله بهتم وانا ما احب شي اسمه افتح الكتاب وراجع.... اقول لها بعض الاوقات لمن تدخل الصف ..تيچر انا مستملة فبطلع من الصف بروح الكافتيريا وباخذ جولة على المدرسة ههههههههه وكانت تقولي اوكي حضرة الناظرة عندك جولة اوكي معاج الله بكل برود الله يحفظ الجميع ارد عليها...كنت اكن لها الاحترام وكنت دايما اطلب لها ان الله يوفقها لانها كانت تدرس للدكتوراة وبالفعل كنت اطلب لها على طول ليما نجحت وطبعا بتتسالون الحلاوة صارت لمن اكييد صارت لي ...والبنات غاروا اشمعنى انا قلت لهم حبهوهم واحترموهم بتلاقونهم يحبونكم....
ههههههههههههههههههه
هذا سحر كنت اتخذه مع جميع المدرسات تدرون شنو كنت احترمهم ولدرجه اني كنت مشاغبة بس كان لوجودي تاثير حلو بين الطالبات مش بس عند المدرسات حتى مشرفات المدرسة كانت مدرستنا مزدوجة اعدادي ثانوي وكنا وقت الفراغ نروح نجلس مع المدرسات وطق سوالف عجايز وشيوبه ,,, صج ما اكذب كنت انا مع وحده من الشلة اللي كانت عندنا الجرئة ان نحن نخوض مسائل كبار السن حتى اذكر انا مدرسة كانت تقول لي جيتي يا حرمة المجلس.....

بكمل لكم
الايام الجاية
روح
15-05-2005, 12:57 PM
في يوم من الايام في المدرسة وحده طقتني عين كانت تلاحقني من مكان لمكان وكانت تقولي عينج حلوة وتسحر
ويوم ثاني صبحت على المستشفى تدرون ليش.....
انا اقول لكم ليش جاني التهاب شديد بالعين لما الدكتور عاين عيني قال لي انت تحطين عدسات ؟
قلت لها : لا لاني بصراحه اخاف منها ؟
غريبة والحين الجو مش مغبر علشان تلتهب عينج بهاي الطريقة ... المهم رجعت المستشفى وكان عندنا دوام بالمدرسة وايامها كنت ما احب الغياب ...ابوي رجعني البيت وقلت لامي لازم اروح المدرسة ..قالت لي ما يصير تروحين وانتي بهالحاله ..قلت لازم اروح واخلي اللي قالت ان عيني تسحرها شنو نتيجه كلامها.....امي اتصلت على ابوي وقالت له تعال بنتك تبي اتروح المدرسة ..استاذن ابوي من المدير وجا علشان ياخذني للمدرسة ..قبل لا نوصل المدرسة قلت له ابي اروح السوبر ماركت وداني رحت اشتري اكياس من الشيبس للربع واهم شي كان البرنجلز وغراش الفلفل(الشطة)
المهم اشتريت اللي ابي وطلعت....ابوي لاحظ اللي اشتريت وقال لي عندكم عزيمة اليوم قلت له لا.... بس تغيير في أكل الشلة(ربيعاتي) اليوم.....
وصلت المدرسة كانت الحصة الثالثة قبل الفسحة دخلت على المشرفة الاجتماعية ,, شنو هذا ؟ هذا كان سؤالها اول ما دخلت المكتب ... وشلت النظارة الشمسية وقلت لها التهاب بالعين والدكتور مانع علي القعده بالشمس (( كنت ابيها حجة علشان نقعد بالصف)) قمت اتحايل فيها تعطيني الاذن باني اقعد مع الربع بالصف في الفسحه وعطتني الاذن ...وعطتني ورقة الاستاذان لدخول الصف...
رحت الصف ودخلت المدرسة لازم سؤال ليش التأخير؟؟..
وليش لابسة النظارة انتي بالصف مش بره المهم شلعت النظارة وقالت لي شنو السالفه وعلمتها ورحت لكرسيي وقعدت
بديت السوالف مع رفيجاتي زنوب وحنون وعلمتهم السالفه وهم كانوا معاي لما فطوم قالت لي عن عيني انها تسحرها المهم دق جرس الفسحة وراحت حنون لصف فطوم وهزاتها وجت لي فطوم وقالت لي انا اسفه على اللي صار مو قصدي اني احط عين حمرة عليج لان فعلا عينج حلوة..شنو غيرتي بالموضوع مع هالاعتذار ..
المهم صارت عيني حجه للمدرسة علشان اطلع اغسلها بالماي البارد بره الصف وكنت اروح للصفوفو الثانية اطلع اي وحده كانت تشاور لي تبي تطلع من الصف.....ادق الباب واقول للمدرسة فلانه تبيها المدرسة الفلانية ...
وكان العذر دايما مدرسة الرياضة كانت مصرية وبسهولة ينقص عليها .....
واحنا الشلة البرئية كنا في فريق كرة السلة والريشة للمدرسة .......
تعبت مرة ثانية اكمل لكم القصة............
(*_*)خالد (*_*)
16-05-2005, 02:54 PM
ياسلاااااااااااااااااااااااااااام على ذكريات المدرسة
شوقتوني اكتب ذكرياتي المدرسية
أشكركم اخت روح على هذا الابداع الجميل الذي خطه قلمكم
في صفحات الذكريات يعطيكم العافية وأرجو الاستمرار
بنفس القوة وسجلي اسم خالد سيكون ضيفا لديكم حتى انتهاء
ذكرياتكم تحياتي لكِ مع أجمل باقة ورد وياسمين
روح
21-05-2005, 01:14 PM
تسلم خالد على مرورك الكريم



تحياتي