سراب الغريب
11-06-2005, 03:13 PM
اليوم ذهبت للسوق المركزي قاصد سوق السمك قلت نبي نشتري سمك للبيت ملينا من الدجاج نبي نغير شوي لما وصلت سوق السمك وبما أني ما عندي خبره في السمك وسهل أنه ينضحك علي وصوني في البيت على سمك اسمه ( الصافي ) وقاعد ادور في السوق ولا انا عارف شكله من حياتي كلها طلعت بمعرفه ( العيد ) و ( الحمشكه ) هاذولا النوعين اللي اعرف شكلهم بس اما الباقي ما اعرف كوعي من بوعي فيهم المهم نرجع للسوق تخيلوا معي السوق زحمة ناس وحد رايح وحد جاي وأنا أتمشى بالحركة البطيئة ( مثل الأفلام ) واذا بي ااشوف سمك حليوه قلت للبائع هذا وش من سمك على بالي بيقول ( الصافي ) قال البائع هذا ( الشطروخ ) قلت لا أريد الصافي قالي الشخص اللي عاليسار عنده الصافي جيت للشخص وقلت له أريد الصافي قال هذا السمك المعروض كله الصافي وأتفأجا بشكل الصافي وربي في نفسي قلت هذا الصافي والناس مسوين له رأس وقرون والله لو يعطوني اياه بمئة بيسة ما أخذه بس قلت للبائع كيف طعمه ترى انا ما اعرف للسمك قالي خذه سمك زين المنتج العماني أختيارنا الأول ( قال منتتج قال ) المهم خذيتهوقبل ما اعطي البائع فلوسه قالي ولد صغير أنا أنا بقصه لك قلت له أوكي خذه قصه ونظفه وأول ما اعطيته الكيس أتفأجا بالبائع بحركه خاطفه مسك الكيس من عند الولد الصغير وقالي لا تعطيه هذا جديد وما يعرف ( تخيلوا شعور الولد الصغير ) ما أعجبني تصرف البائع وأحراجه للولد الصغير وقلت له بقوة عطيه الكيس وش فيها أنه جديد ترى قد كنت مثله جديد وممكن أنك لقيت حد وعطاك فرصه خلي الولد يأخذ فرصته وألتفتت للولد والعالم كلها تطالع اللي صاير وقلت للولد تعرف قال بكل براءة أيوه أعرف قلت له خذ وجيك بعد شوي بروح الدكان بشتري سجائر ( رفع لي الظغط البائع ) رحت للدكان ورجعت أدور على الولد الصغير ما لقيته عند الاولاد اللي يقصون السمك قلت وين راح هذا ( لا يكون سواها وشرد ) وأنا قاعد أطالع يمين ويسار وين راح الولد فجأة اشوفه على أطراف السوق في مكان لوحده يقص رحت له وأتفأجا به مساك مساك حديده ويدق بها الجزره ( يا حسره كلكم تعرفون صغر حجم الصافي والاخ يستعمل جزرة وحديده ) واشوف السمك يتفتت فتات قلت وش تسوي بالسمك طالعني بكل استغراب وقال أقصه عشانك قلت لا لا لا استعمل السكين الصغيره بتضيع علينا السمك جزره وحديده ليش ( حد قالك بوحمد هو ) سمك صغير ما السكين الصغيره تكفيه قال اوكي وقعد يقص السمك قطع صغيره صغيره ( أكتشفت لما رجعت البيت أن الصافي تقص زعانفه وتنظفه ويكون قطعه كامله ) المهم لما الولد يقص وأنا أطالعه شفت أن مسكته للسكين والسمك غلط تبين أنه مبتديء قعدت أساعده وأقوله قص من هنا وقص من هنا قعدنا ساعه حتى خلصنا على خمس قطع من الصافي ( كأننا نذبح بقره وبعير و3 أغنام ) تخيلوا شكلي جيت السوق كاشخ وحالتي حاله وبعدني ما طلعت من السوق والا حالتي يرثى لها دشداشتي كلها دم وحالتي حاله اللي يشوفني يفكرني اشتغل هناك وقاعد أقص السمك عشان احد من الزبائن المهم قعدنا نجمع قطع السمك عشان نحطها بالسوق وأنا أجمع ألتفتت ما شفت الولد أختفى قلت وين راح هذا لا اله الا الله لا يكون حس في نفسه وقال أنه ما يستاهل اني أعطيه شي خلصت تجميع السمك في الكيس والتفتت مرة ثانية واشوف الولد الصغير مرة ثانية قاعد يغسل ايده وناديته وقلت وين رحت قال رحت أنظف أيدي قلت كم حقك قال بكل أستحياء ( ميتن بيسه ) قلت له اربعمئه بيسه خذهن بس حاول تتعلم أكثر أقعد طالع في الاولاد الثانيين كيف يقصون وتعلم منهم حاول أنه يبرر موقفه وقالي سر وهو ( أنا أول مرة أقص سمك ) قلت أنا اي مرة أجي هنا بجي هنا عندك عشان تقص لي السمك المرة الثانية اذا جيت بغيت اشوفك خلاص تعرف كل شي قال اوكي ورحت وأنا أفكر فيه وألتفتت أطالعه اشوفه وين راح وهل حصل زبون أخر وطالعته شفته واقف في مكانه ويطالعني في مشهد مؤثر