مشاهدة النسخة كاملة : سؤال للفرفشة
أخواني وأخواتي
أسعدالله أوقات الجميع
حبيت دأئما المرور إلى روضتكم العطره وأعجبني تآلفكم وفهم
كل منكم للآخر والصراحة المتبادلة فيما بينكم وأقول عساكم
على القوة وعسى الله يسعد الجميع وسبب كثرة غيابي عنكم
هو كثرة المشاغل وعسى أجد من الوقت مايكفي لأهديكم
ماتستحقونه وهو قليل في حق الجميع000 ولدي سؤال
للفرفشة والتجديد 00 و لا تنسوا وسبق أن ذكرتكم بأن
لدي مشعاب وإنني عصبي وأفضل هواياتي هو الكي مع
العلبا (( مؤخرة الرقبة ))
السؤال يقول
عند النوم لماذا تذهب إلى الفراش
مـــــــــــــــــــــــــــــــــــــــــــــــــ ـــــــــــــلاحـظة
ما أبي أحد يقول إنه يبي ينام 000 أو تعبان 000أو
من هالأعذار 00 أبي تفكير بعمق وإجابه مقنعه
ومن يعرف ألإجابه يعطيني إشارة ويدع فرصة لكل
من ألأخوان وألأخوات00 وبعدها يطرح إجابته
وآسف على ألإطاله
وللجميع تحياتي
أخوكم شبيه سهيل
مجنون العامرية
26-05-2006, 12:29 AM
http://www.moq3.com/pics/up/b_21_05_06/a5f06ce31c.gif
بصراحه السوؤال صعب عطيني فرصه افكر .... وبعدين برجع احلو ....
والله انك خفيف الدم وصاحب نكته الله يريحك عليك من شيبه والله انك شي
http://www.moq3.com/pics/up/b_21_05_06/e7a99d5559.gif
تحياتي لك اخوك مجنون ليلى
أخوي مجنون ليلى
من هالحين بدينا بالتدليع والترقيص شوف بما إنك
أول واحديرد علي فلزاما عليك أن تخارج نفسك
و لا يمنع ألإستعانة بصديق 000 يالله بسرررررعه
ذبحتني الشمس وأنا قاعد أنتظرك 00 اللي سوف
يقدم لي كأس ماء يمكن وربما وقد يكون أو لايكون
أن ألمح له من بعيد لبعيد وحلوه مادام الطلب كأس
ماء قبل أن يتحول إلى حاشي به سبعة ألوان
ومادام إنكم كثيرين وأنا وحيد وضعيف ويتيم وغريب
وللحديث بقيه
وللجميع تحياتي
أخوكم شبيه سهيل
مجنون العامرية
26-05-2006, 03:13 AM
حلوه حاشي بسبعه الوان ماصار حاشي ستيشن رقم 1 http://www.moq3.com/pics/up/b_21_05_06/a5f06ce31c.gif
والله انك ادخلت البهجه في نفسي ... اما اجلبه سؤالك هي كولالمبور صح هههه
أخوي مجنون ليلى
أنت ماشاءالله عليك مشهور أكثر من نار على علم ومهما تقول
أنت وتفعله يصير أمام البشرية أمر عادي بحيث إنك مجنون
أما أنا توني جديد ومجهول وأي غلطة أو زلة تحسب علي وبعدها
يشيرون إلي ويقولون شوفوا هذا المجنون الجديد وينسونك بالمرة
ويدبسوني في قضية الجنان وعندها أقول يامن شرى له من حلاله
عله 000 أخوي تعال يمي بالله عليك كوالا لمبور هذي بعد وش
تطلع لايكون إنها عشيقة جديدة تبي تورطني بها 00 أخوي بلاش
من سؤال الفرفشة الله لايبارك فيه الظاهر إنه سيدهورني تدهور
لكن أبي أسألك سؤال جديد بالله عليك مين فينا المجنون أنا و لا
أنت ودع الحكم للجمهور يالربع أنا جيتكم صاحي وصار بي خله
والحقيقه أنا ناقد على نفسي حيث أن أم العيال توصيني أجيب
خبز للبيت أرجع للبيت جايب حليب أطفال علما بذلك لايوجد لدي
أطفال رضع 000 ياجماعه يا أهل العدل وألإنصاف يا أهل
الحق أنصفوني من مجنونكم يبي يخدعني ويحبب لي كوالا لمبور
ويضرب ضربته ماخبرت العربان هكذا يكون أستقبالهم للضيوف
خلاص معاد أبي كأس ماء ولا عاد أبي حاشي أبي السلامه
هي بتحصل ولا بعد فيها منه ونشبه وللحديث بقيه
وللجميع تحياتي
أخوكم شبيه سهيل
مجنون العامرية
26-05-2006, 05:05 AM
شيبه افاااااااااااااااااااااا خشمك اخوي.... والله منت مجنون انت الصاحي الوحيد هنا .... اخوي لا تستعجل والله ان مواضيعك حلوه بس انت اصبر شوي ... خلي قلبك كما المحيط سوي خير وعقه بحر ... انا اول واحد معجب فيك
ما يقولون خذ الحكمه من افواه المجانين انا مجنون اسمع كلامي وانتظر ..... http://www.moq3.com/pics/up/b_21_05_06/a5f06ce31c.gif
أخوي مجنون ليلى
صدقني توني أدري إنك مجنون بحق وحقيقي و لا وش لك بخشمي
ياخوك ماعندي إلا هالخشم وهو الوحيد وهو رأس مالي حاليا
وقولتك أن مواضيعي حلوة ليه ماتصير أنت بعد حلو وزين مثلها
لعنبو أبليسك من هالحين بانت عداوتك لي وتقول لي خل قلبك كبر
المحيط أنا بحلان بشماغي أنا وياه بعراك شديد فما بالك بالمحيط
وتطلب مني أسوي خير وأعقه بحر ..... ليه ألأخ محترف حداق خير
عاد أنا الله وأكبر كريم وش كثر هالتنطيل من هالخير ... أقول يالأخو
تراك بتبطي وبيطول إنتظارك لكن تلاحق نفسك وعليك بقضاء أشغالك
أقول مادامك أول المعجبين بي أين مشاركات باقي ألأعضاء بالمنتدى
ياسبحان الله أول مرة أشوف مجنون يقول الحقيقة ويعترف أن
الحكمة من أفواه المجانين ..... أخوي على إيش أنتظرك ناوي على
شيئ ثاني غير خشمي وأنا لا أعلمه ... ترى سالفتك سالفة
ولك تحياتي
أخوك شبيه سهيل
ღღعيون المهاღღ
26-05-2006, 02:03 PM
ســـــــــلامي
أرى ان اللعبه تحولت الى دردشه ههههههههه
بصراحه : الاجابه صعبه ..
اذا ممكن شوية تلميح :face32:
أختي عيون المها
حياك ربي وهلابك
أول شيئ هذا هو السؤال المبارك أللي أستطعت أن أجد من يحاورني
ويدردش معي بسببه وبسببه تم تواجدك المبارك .... وأنا سوف أحله
عاجلا أم آجلا لكن أبي المزيد من ألأخوان وألأخوات يحسون بوجودي
وبعدها فالكم طيب والقادم أحلى ... إلا إذا وجودي جاء بالوقت الضائع
فأنا أستميحكم عذرا وأعتبروا حضوري كقاريئ ... وبخصوص ألإيضاح
فهو سهل جدا وكصيغة تحاورية ... بعد ماأدري وش أقول معاد إلا أحله
ومتى مليتو وشفتوا إنه أخذ أكثر من وقته أعطوني ألإشارة بحله ولكم ذلك
وللجميع تحياتي
أخوكم شبيه سهيل
أسمر يا أسمراني
26-05-2006, 05:14 PM
السلام عليكم
أخي العزيز
الشيبه
الله يمسيك بالخير اخوي
وربي شرفتنا ونورتنا وونستنا
أنا احب ان اشارك واجاوب على السؤال
سؤالك هو
عند النوم لماذا تذهب إلى الفراش؟؟
أنا اتوقع بعد ما ينام الواحد ما يروح مكان
انا احس انا السؤال فيه شوي ترك
انت المفروض تقول عندما تشعر بالنوم
والله ما اعرف هل صح ولا غلط اجابتي
بس اذا كانت غلط بكون من ضمنك اخي الشيبه انت ومجنون ليلى
كلنا في الهوى سوا مجانين :face13:
وشكرا
مجنون العامرية
26-05-2006, 05:53 PM
ماقلت لك يالغالي اطمن_______ خل الدلع لاتصير بطران
أخير تطاوعني وتستن________ لاتستوي خبله وشيطان
ماريتلي فيكم حسن ظن________ غير الرفاس وعض الاسنان
قلبي عليكم دايم يحن _______ وأنته قليبك هوب حنان
أتشوف عمرك بالوزن طن ______ انا شيبة وزني سبعة اطنان
ياوليفي ياصغير السن ________ غير مزاجك دوم زعلان
حبك كمنجه بالحشى يرن ________ ويحرك اوتاري والشجان
أخضر حمر كنك من أرمن________ وياك بتشتت في لبنان
غربي جبل بيروت بسكن_________ نرتاح عن حاسدومنان
وين المدافع دومها ترن_________ لاتخاف متدرب وفنان
أخوي أسمر يا أسمراني
والله هذي أغنية ماهو أسم
المهم حياك ربي وهلابك
أخوي يكون لعلمك المجنون مجنون بس إنه أرحم منك بكثير وعنده
ذوق وما يسب أحد ... صحيح إنه مجنون والكارثه إنه بعد شاعر
لكن أنت حسب ظنك إنك صاحي أخوي شوف وركز وخلك معي أنت
لست بشاعر ؟؟؟؟؟؟؟؟؟؟؟؟؟؟؟؟؟؟ تدري ليش ما أنت بشاعر لأنك
تسبني وتنعتني بالشيبه (((( شبت ثيابك عليك )))) ياخوي أنت منين
طلعت لي ......... ياليتني صبرت وقعدت مع مجنوني وخليت ألأمور
مستورة ............... أخوي حظي ردي من حيث أطقها تجي عوجا
أقولك أصبر شوي ويجيك منهو طاير بالعجه وينعتني بالأعور أو
بالأعرج تبي الصحيح كل شيئ يصير عندكم وعسى الله يخارجني
عاود المحاولة بالحل ... واللي سوف يمدحني ويخلي القمر شبيهي
بغششه بالحل وبعطيه كرت الصداقه
أخوي أسمر ياأسمراني سامحني على طولة اللسان ومن حبي لك
تجرأة بالمداعبة ... والله يخليك بلاش سب ومعاير ونعت ترى
المنتدى به جنس ناعم وبلاش تحطيم من هالحين
وللجميع تحياتي
أخوكم شبيه سهيل
أخوي مجنون ليلى
صح لسانك وبيض الله وجهك ورسالتك وصلت وما قصرت
أقول تعال يمي..... تعال ....... تعال ..........قرب .... لاتخاف
أبي أقولك سر ولا تعلم أحد .... تدري وش اللي قتل ليلى
بالعراق ...قتلها حظها الردي والعاثر اللي تعرفت عليك
وشافتك وبعد سماعها لشعرك فضلت الموت ... ليس حبا بك
وبشعرك وإنما من الغيظ والحسرة والكمد وخيبة ظنها بك
وأحمد ربك إنك لست أمامي وإلا كان علوم سرمدية وطويلة
بالله عليك منهو الي وزنه طن والشيبه الي وزنه سبعة طن
ألأخ يبيع تمر ولا بطاطس ... ولا قولك أخضر حمر كنك من
أرمن والله مشكله بليد حتى في تركيب ألألوان ... أخوي ترى
غرب بيروت كله دحديره ومنحدر شديد وبحر وين تلقى الراحة
هناك ... عزالله إنك كملت الناقص وجبت العيد ... أقول والله
خوش مجنون ورامي مدفع .... تبي الصراحة أنا أحسد ليلى
على موتتها وأقول لها أختيار موفق ... وش رأيك تسير يم
أسمر يا أسمراني وتسمعه بعض القصائد ذات ألإحساس المرهف
وتبلغه يوصل سلامك وتحياتي لليلى
ودام الجميع بود
أخوكم شبيه سهيل
مجنون العامرية
26-05-2006, 11:14 PM
ايش تتوقع ارد على كلامك ازعل لالالالالالا طبعا ... كلامك مثل الشههد واحلا من العسل وابرد ...
اخوي شبيه سهيل والله من جد انا اتوقع لك ... قبول جيد جدا في المنتدى مشاء الله والدليل ان مشاركتك هذي اللي بالامس كتبتها حتى الحين 14 رد عليها ... وهذا ان دل على شئ فيدل جاذبيتك ... اتمنى ان تدخل البهجه في قلوبنا
دئما والله لايحمرنا من تواجد الخفيف الظل
اخوك مجنون ليلى
أخوي مجنون ليلى
أشكرك على لطافتك ونبل أخلاقك وأحسدك على روحك الرياضية
وأشكرك على إنك فهمتني... أخوي من منا في هذه الدنيا خالي
البال وبدون مشاغل وإرتباطات و لا أجتمعنا هنا بهذا الصرح
إ لا للمحبة وألألفة ورفع العتب أخوي الناس خشب حتى يتعارفوا
وأنا اللي لي الشرف بقبول عضويتي بينكم وإعتباري منكم
أخوي تعال خلنا نعود للفرفشة ... كلامك حلو وجميل وفهمته لكن
أنت الله يهديك ماتخلي الغلط والتصيد بالماء العكر ... وش قصدك
بقولك الله لا يحمرنا ؟؟؟ ... أخوي تراني ماني من ضمنكم أنا لا زلت
ضيف ... لكن مقيولة كلمة وزلت من مجنون وأنت سوف تطلع منها
وللجميع تحياتي
أخوكم شبيه سهيل
مجنون العامرية
27-05-2006, 08:31 AM
يقول المثل الصيني
شنج يال تونج كم دال رونج
معمنى المثل اذا حبيبك عسل لاتشفطه كله وانت عسل
هذه طبعا الترجمه النصيه للنص بالسريانيه الصينيه وليس كما جاء في كتاب ابن المقفع رحمه الله وكما وصفه صفي الدين الحلي عن روايه
للشيخ العلامه سبويه في كتابه الشهير طوق الحمامه لابن حمديس وهو يصف ليلى العامريه في كتاب اعداء حمدان الطبعه 241 وهو احد مشجعي نادي
ريال مدريد الايطالي ويمكن سماع الاغنيه اسفل هذا النص مع تقديري لشخصكم الكريم ودامت دياركم عامره بالافراح
http://www.6rbtop.com/downram.php?song_id=29293&type=au&q=hi
أخوي مجنون ليلى
ماشاءالله عليك عيني عليك بارده الله لا يضرك
اللهم لا حسد؟؟ ياعندك ثقافة عالية وإطلاع
وعدم خلط ألأمور بالأمور ثقافية أدبية رياضية
ومعرفة ألأسماء وتمييز ألأنساب ماشاءالله
عليك صاير جامعه بحالها؟؟؟؟؟؟؟؟؟؟؟؟؟؟؟؟
أقولك تعال يمي وخل عنك الخرطي والطبل
والتطبيل .... واحلالاه على من يمسكك
ويتولاك وبيده مشعاب ويعلمك شلون
تضع الطينية بالصينية
ولك تحياتي
أخوك شبيه سهيل
مجنون العامرية
28-05-2006, 01:27 AM
اخوي شبيه سهيل وربي اذا شفتك ارتاح الله لايحرمنا منك ... من جد اخوي
اخـــــــــــــــــــــــــــــــوك مجنون ليلى
أخوي مجنون ليلى
أشكرك شوي أخاف أكثر لك الشكر ثم تصاب بالتخمة (( البطنة ))
ثم أبحل بك .. شوف كلامك حلو وجميل وبنفس الوقت يخدر لكن
ياخوك من كثر أكلي للقعات والمقالب صار لدي مناعه وأخذت
على كذا تقريبا عشر سنوات وأراد الله وسافرت مصر أم الدنيا
على أساس إنني الثعلب المكار وأتباها بنفسي كأنني القائد العسكري
ألألماني رومل الملقب بثعلب الصحراء ... وبعد وصولي لمصر
وصرت تحت وبين إيدين سلالة علي بابا صرت كل يوم آكل وأبلع
مقلب جديد ألعن من اللي قبله وكأنني جديد ولم أتعلم شيئ
وهالحين حضرتك ترقصني وتطيرني سماء بالكلام الحلو المعسول
أخوي هات من ألآخر وش ناوي عليه بالضبط تراني مسيكين
وفقري ورأس مالي مشعابي ولا تجعلني أجعل حرة المصريين بك
ولك تحياتي
أخوك شبيه سهيل
مجنون العامرية
28-05-2006, 02:07 AM
شوووووووووووووف الصدف انت بعد درست بمصررررر ........ ههههههههه
التم المتعوس على خايب الرجا .... اخوي انا كنت ادرس هناك .... باقلي فصل وما كملت .....
اجازه مفتوحه ههههههههه .... بس انشاء الله اشوفك بعد الصيف .....
أخوي مجنون ليلى
ياخوي ذبحتني وأنا قاعد أقرأ هالمسلسل المكسيكي
قلت لعل وعسى أجد دعوة وتذكرة طيران مصحوب
بالعنوان وأسم البلد .... وبالأخير دعوة بعد الصيفية
وصار كلامك مثل اللي يمني نفسه بالحج في شهر
شوال وصار هو..... لاهو اللي حج ولا هو أحتسبها
عمره .......... أخوي خلاص أنا مخاصماك وبلاش
تضييع الوقت علي ... سوف أبحث عن غيرك ضحية
ولك تحياتي
أخوك شبيه سهيل
مجنون العامرية
28-05-2006, 11:01 AM
خذ راحت .... اخوي والضحايا كثير ....http://www.moq3.com/pics/up/b_21_05_06/ac595bd18d.gif
وقفت كل العيون
30-05-2006, 04:58 PM
مجنون وليلى الظاهر الاثنين اعجبوا ببعض ما ناقص الا الترقيم :face13: :face9:
ربي يوفقكم ويسعدكم ياهذي الصداقة ياإما فلا :face5:
عموما عزيزي اجابة لسؤالك /
اذا حسيت بالنوم اروح للفراش
لاني ما القى مكان غيره
مجنون العامرية
30-05-2006, 05:32 PM
اختي وقف كل العيون ... السلام عيلكم ................. هههههههههههههههههه
حلوه ترقيم ههههه السالفه كلهل مزح عشان نكسر الروتين على الرغم احينا ان هذا المزح ممكن يزعل بس كنا متفقين من البدايه .... واخوي شبيه سهيل خفيف الدم
أسمر يا أسمراني
30-05-2006, 05:44 PM
السلام عليكم
الله يهنيكم
خخخخخخخخخخخخخخخخخخخخخ
انا اكبر غيور
ممكن نتعرف؟؟؟
مجنون العامرية
30-05-2006, 06:02 PM
انا اكبر غيور
هات ما يثبت انك غيور .... او اعطينا المصدر اللي نقلت كلامك عنه ههههههههههههههه
والا سوف يتم تحويلك الى الاخ صنجور
أختي وقفت كل العيون
حياك ربي وهلابك
وأشكرك على لطافتك وخف دمك
أقول أنتي قطعتي أكثر من نصف المسافةللإجابه
وتفكيرك صحيح شوي يمين شوي يسار وتعديل
معنى اللفظ شوي وتصلين للحل حاولي وأنا
أعتبرك شبه إنك حليتيه يعني زودتيه حلا
ماهو مثل مجنون ليلى يركض ويطامر حولي
ولا هو عارف وش السالفه... ولي عوده قويه
وتعليق على أسمك بشكل مداعبة إذا أذنتي لي
بذلك على شأن أقهر المجنون وألآخر اللي
أسمه تقولين مقطع أغنيه عبد الحليم حافظ
أسمر يا اسمراني
وللجميع تحياتي
ألأخوان ألأعزاء
مجنون ليلى
أسمر أسمراني
حياكم الله وهلابكم
أسمع أنت ياهبيل ليلى ترى الهبيل والمجنون أسم ومعنى
واحد ولا بعد أنت غيور ؟؟ أسمع حاول أن أسمر يا أسمراني
يتحرش بي ويأخذ ويعطي معي بالحديث وأنا أمهله لفتره
ثم أقلب عليه الطاولة وأسمع يالمجنون واللي أجن منك
وهو السعلو واللي أنا من هالحين معطيه أستسلامي
وأعترافي المدعو بسراب الغريب ولا يقربني ولا يتعرف بي
تراني بي صرع وتقدر تقول يالله بالخير بكره يصير بي شيئ
ثم تبحلون بي ... وعلى فكرة هل وقفت كل العيون قشرا
وشريه أم أنها أجوديه أخاف أتوهق معها وهل هي تقرب
لسراب الغريب ياليتك تنورلي وتفهمني
وللجميع تحياتي
أخوكم شبيه سهيل
أخوي مجنون ليلى
كان بودي أن أرسل لك رساله خاصة
لكن رصيدي الماخوذ ماغطى المطلوب
خمسين وأنا بح بآخر هالليل ولا لقيت
أحد يسلفني بهالمنتدى إلا واحد الظاهر
أنه ناوي لي العداوة يقولي إذا تبي رفع
رصيدك بالمشاركات وأموري تصير
سهله علي بمراجعة سراب الغريب
وأنا هالحين خلاص هونت مأبي
مراسلتك ولاني معطيك معلومات عني
وسأبقى مجهول خيرا لي وأولى
للسلامه
ولك تحياتي
أخوك شبيه سهيل
vBulletin 3.8.1